Shefja në largim e Politikës së Jashtme të Bashkimit Evropian, Ferderica Mogherini do të zhvillojë sonte një  darkë pune me liderët e Ballkanit Perëndimor.

Në darkë do të marrin pjesë tre anëtarët e Presidencës së Bosnjës, Zheljko Komshiq, Shefik Gjaferoviq dhe Milorad Dodik, presidenti i Kosovës – Hashim Thaçi, ai i Serbisë – Aleksandar Vuçiq, kryeministri shqiptar Edi Rama, kryeministri i Maqedonisë së Veriut – Zoran Zaev dhe presidenti i Malit të Zi – Millo Gjukanoviq.

Takimi do të jetë një rast tjetër për të diskutuar zhvillimet politike në rajon, përpjekje për gjetjen e një zgjidhje për problemet e pazgjidhura dhe të analizojë arritjet e bëra gjatë mandatit të Mogherinit.

Ky do të jetë takimi i parë midis Mogherinit dhe udhëheqësve të Ballkanit qëkur Këshilli Evropian refuzoi t`i jap dritën jeshile fillimit të procesit të negociatave të anëtarësimit me Shqipërinë dhe Maqedoninë e Veriut.

Do të jetë gjithashtu takimi i fundit me Komisionin Evropian në këtë mandat i cili pritet të përfundojë më 1 dhjetor, transmeton Klan Kosova.

Ndërkohë të mërkurën, më 30 tetor Komisioneri në largim për Zgjerim, Johannes Hahn do ta presë në takim, presidentin e Kosovës, Hashim Thaçi.

Kurse, homologu i tij serb, Aleksandar Vuçiq do ta ketë një takim kokë më kokë  me presidentin në largim të  Komisionit Evropian, Jean-Claude Juncker.

Ndërsa të mërkurën, më 30 tetor Komisioneri në largim për Zgjerimin, Johannes Hahn do ta presë në takim, presidentin e Kosovës, Hashim Thaçi.

Utorak, 29 Oktobar 2019 08:14

Ja si u formua Kryqi i Kuq Ndërkombëtar

Autor

Gjashtëmbëdhjetë shtete dhe mbretëri evropiane më 29 tetor 1863 formuan Kryqin e Kuq Ndërkombëtar.

Deri në mes të shekullit të 19-të, nuk kishte asnjë sistem të organizuar për kujdesin e viktimave të luftës ose të plagosurve në fushëbetejë.

Në qershor 1859, biznesmeni zviceran Henry Dunant udhëtoi për në Itali, në atë kohë e pushtuar nga Franca. Kur mbërriti në qytetin Solferino, ai pa nga afër pasojat e një beteje franko-austriake, ku në një ditë të vetme, rreth 40 mijë ushtarë nga të dy anët u vranë ose u plagosën dhe trupat ishin lënë në fushë pa asnjë kujdes apo ndihmë.

Dunant braktisi plotësisht qëllimin origjinal të udhëtimit të tij dhe për disa ditë iu përkushtua organizimit të trajtimit dhe kujdesit për të plagosurit.

Kur u kthye në shtëpinë e tij në Gjenevë, ai vendosi të shkruajë librin “Kujtesë e Solferinos” dhe u dërgoi kopje të librit figurave kryesore politike dhe ushtarake në të gjithë Evropën.

Kështu u përhap ideja e krijimit të Kryqit të Kuq Ndërkombëtar, që u themelua në këtë ditë 156 vjet më parë.

Kryeministri i Shqipërisë, Edi Rama, ka paralajmëruar se do ta padis Kryeministrin në detyrë të Kosovës, Ramush Haradinajn.

Kjo pasi ditë më parë ai deklaroi se Kryeministri Edi Rama bashkë me Presidentin Hashim Thaçi dhe Presidentin serb Aleksandër Vuçiqin, kishin plan ta ndanin Kosovën, duke përmendur edhe një shifër prej 10 miliardë eurosh në këtë mes.

Rama ka thënë se atij [Ramush Haradinajt] do t’i përgatisë ‘’artikulim korrekt të gjuhës shqipe”, e autori i emisionit Opinion i ka ndërhyrë, duke i thënë se ajo që po shpreh Rama për kryeministrin në detyrë të Kosovës është bulizëm.

Ai tha se do ta padis Haradinajn për akuzat publike që i ka bërë për angazhim në ndarje të Kosovës.

“Do ta çojë në gjyq në Kosovë. Ky do të vijë të flas para gjykatës se si do të ndaheshin 10 miliardë euro mes meje Thaçit e Vuçiqit”, është shprehur ai.

Kryeministri i Shqipërisë tutje dha doza kritike ndaj Ramush Haradinajt edhe për çështjen e taksës, i cili ka refuzuar ta heqë tarifën ndaj mallrave serbe, duke thënë se ‘’e ka mbajtur popullin të izoluar me kokëfortësinë e tij’’.

Četvrtak, 24 Oktobar 2019 11:23

Rama telefonatë me Merkelin, flasin për negociatat

Autor

Kryeministri shqiptar Edi Rama ka zhvilluar sot një telefonatë me kancelaren gjermane, Angela Merkel mbi ecurinë e mëtejshme të përpjekjeve për hapjen e negociatave të Shqipërisë me Bashkimin Evropian.

Në telefonatën që ka zgjatur rreth 45 minuta, Rama thotë se janë vendosur pikat mbi “i” për këtë çështje dhe se Merkel ka theksuar qëndrimin gjerman në mbështetje të Shqipërisë.

“Gjatë një telefonate rreth 45 min me Kancelaren Merkel vendosëm të gjitha pikat mbi “i” për ecurinë e mëtejshme të përpjekjeve të përbashkëta për çeljen e negociatave për anëtarësim. Kancelarja rinënvizoi qëndrimin e Gjermanisë në mbështetje të Shqipërisë. Danke Angela”, shkruan Rama, raporton Tch.

Pak ditë më parë, Rama deklaroi se së shpejti do të zhvillojë edhe një bisedë telefonike me presidentin francez, Emmanuel Macron.

Për të tetin vit me rradhë, Këshilli Kombëtar i Shqiptarëve në Mal të Zi, në bashkëpunim me Komunën e Ulqinit dhe Bashkinë e Shkodrës, organizon Maratonën e Pavarësisë Shkodër – Ulqin 2019.

Më 28 nëntor 2019 në ora 09:00, përballë godinës së Bashkisë së Shkodrës, do të bëhet nisja e maratonistëve, ndërsa caku përfundimtar do të jetë Ulqini, përballë godinës së Komunës.

Siç është bërë tashmë traditë, kremtimi i 28 Nëntorit do të fillojë duke grupuar sportistë pa dallim kombësie, feje apo gjuhe, duke bashkuar shqiptarët e çdo treve dhe duke bashkuar popujt e ndryshëm të trevave të ndryshme. Organizatorët e këtij manifestimi ju ftojnë që edhe ju të bëheni pjesë e kësaj gare, ku pak rëndësi ka kush del fitues e shumë rëndësi ka fakti që vrapojmë bashkë.

Përveç pjesëmarrjes në vrap, mund të bashkoheni te pika e nisjes përballë Komunës së Ulqinit, për të përkrahur maratonistët.

Të drejtë pjesëmarrjeje ka çdo individ.Regjistrimi ka filluar dhe mund të bëhet online përmes web-faqes http://marathon-ulsh.org/ .

Të interesuarit mund të paraqiten edhe përmes Ova e-maila adresa je zaštićena od spambotova. Omogućite JavaScript da biste je vidjeli. ; Ova e-maila adresa je zaštićena od spambotova. Omogućite JavaScript da biste je vidjeli. .

Shoqata e Artistëve dhe Intelektualëve “Art Club” në bashkëpunim me Bibliotekën e Qytetit - Ulqin do të organizojnë përurimin e romaneve "Fshati i heshtjes" dhe "Ligji i maskave" të autorit Mark Lucgjonaj, të premten, më 25 tetor 2019, ora 18.00, në mjediset e Bibliotekës së Qytetit - Ulqin

 

Mark_Lucgjonaj_-_Ftesa.jpg

Ponedjeljak, 21 Oktobar 2019 07:18

Zgjedhjet në Maqedoninë e Veriut më 12 prill 2020

Autor

Kryeministri i Maqedonisë së Veriut, Zoran Zaev, pas takimit me liderët politikë, ka deklaruar se është arritur marrëveshje që zgjedhjet e ardhshme parlamentare të mbahen më 12 prill të vitit të ardhshëm.

 

Sipas Alsat, Zaevi ka thënë se kjo datë u arrit me konsensus me të gjitha partitë.

“Propozimi jonë ishte që 22 ose 29 dhjetor të shkojmë në zgjedhje sepse në atë mënyrë në atë periudhë mund ta realizojmë procesin zgjedhor dhe më pas të presim edhe ratifikimin e protokollit nga ana e Spanjë dhe ne të kemi parlament funksional. Kishte reagime nga opozita se nuk mund të ketë 100 qeveri teknike, andaj pastaj u shqyrtua, marsi, prilli, e kështu me radhë dhe me konsensus u vendos që 12 prilli të jetë data kur do të mbahen zgjedhjet”, ka deklaruar ai.

“Ose Vetëvendosje në Qeveri dhe unë Kryeministre, ose zgjedhje të parakohshme. S’ka kushte të tjera”.

Kështu deklaroi kreu i Vetëvendosjes, Albin Kurti, i cili është vetëshpallur si kryeministër i Kosovës pas zgjedhjeve të parakohshme të 6 tetorit.

Në një intervistë për ‘Real Story’ në “News24” Kurti ripërsëriti qëndrimin e tij ndërsa theksoi synimi i qeverisë së re VV-LDK do të jetë sigurimi i 12 ministrive.

“Është destinim i yni që ne të qeverisim bashkë me LDK. Ose Vetëvendosje në Qeveri dhe unë Kryeministre, ose zgjedhje të parakohshme. Ska kushte të tjera”, ka thënë Kurti.

Shkrimtari shqiptar, Ismail Kadare ka fituar çmimin ndërkombëtar të letërsisë “Neustadt”, çmim ky që njihet edhe si 'Nobeli' amerikan. Ky është një çmim 50,000 dollarë amerikanë që i jepet çdo dy vjet një poeti, romancieri apo dhe dramaturgu.

 

Revista “Literatura Botërore Sot” e Universitetit të Oklahoma të letërsisë dhe kulturës ndërkombëtare njoftoi mbrëmjen e mbrëmjen e kaluar se Ismail Kadare është laureati i 26-të i këtij çmimi ndërkombëtar.

Robert Con Davis-Undiano, drejtori ekzekutiv i Letërsisë së sotme theksoi se shkrimtari shqiptar, Ismail Kadare është “një nga shkrimtarët më të mëdhenj në botë dhe një kampion i demokracisë dhe fjalës së lirë”. Shkrimtari Kadare ka qenë disa herë i nominuar edhe për çmimin “Nobel” në Letërsi, por deri më sot nuk ka arritur ta fitojë dot.

Finalistët në këtë garë ishin; Jorie Graham (Shtetet e Bashkuara të Amerikës), Emmanuel Carrere (Francë), Jorie Jessica Hagedorn (Filipine / Shtetet e Bashkuara), Eduardo Halfón (Guatemala), Ismail Kadare (Shqipëri), Sahar Khalifeh (Palestinë), Abdellatif Laabi (Marok), Lee Maracle (Kanada) dhe Hoa Nguyen (Vietnam / Shtetet e Bashkuara).

Puna dhe vepra e gjeniut të letrave shqiptare, Ismail Kadare, ka bërë jehonë në shumë vende të botës dhe natyrisht ai vijon të mbetet një ndër “xhevahirët” e rrallë të letërsisë shqiptare/BW.

Sipas Kombeve të Bashkuara, 17 tetori i çdo viti shënon Ditën Ndërkombëtare për Zhdukjen e Varfërisë.

Që nga viti 1993, ndërgjegjëson njerëzit për nevojën e zhdukjes së varfërisë në mbarë botën dhe veçanërisht në vendet në zhvillim.

Në 17 tetor të vitit 1987, më shumë se 100 mijë persona u mblodhën në Paris për të nderuar viktimat e varfërisë ekstreme , dhunës dhe urisë. Që prej atij momenti individë dhe organizatat në mbarë botën e shikonin 17 tetorin si një ditë ku mund të rikujtonin përkushtimin e tyre për t’i dhënë fund varfërisë.

Ani pse 17 tetori u njoh si ditë zyrtare në vitin 1993, në shumë vende të tjera rreth botës kjo ditë përkujtohet që nga viti 1987.

X

!!!!!

Svako kopiranje, umnožavanje, presnimavanje, objavljivanje i distribuiranje cijelog ili djelova podataka sa web sajta „Radio Rožaje" ili članaka objavljenih na ovom web sajtu (uključujući dokumenta, fotografije i sl.), bez obzira na razloge, zabranjeno je i predstavlja povredu autorskog prava i krivično djelo!