Četvrtak, 08 Avgust 2019 06:51

Sot është dita e maceve

Autor

Sot është Dita Ndërkombëtare e Maceve, një prej kafshëve shtëpiake më të dashura nga njerëzit.

 

Kjo ditë për herë të parë u shënua në vitin 2002 nga Fondi Ndërkombëtar për Mirëqenien e Kafshëve si dhe grupet e tjera për të drejtat e kafshëve, si një ditë e veçantë për të llastuar edhe më tepër një nga kafshët më të preferuara në botë.

Pavarësisht vendit apo klimës, në botë besohet se ekzistojnë rreth 500 milionë mace të cilat kalojnë gardhet e shtëpive duke u sjellë jo pak herë edhe telashe pronarëve të tyre, transmeton ksp.

Megjithatë, sipas studimeve, mbajtja e një mace përmirëson shëndetin mendor dhe lehtëson stresin, ankthin dhe depresionin.

Sipas të dhënave të fundit, aktualisht numërohen rreth 36 lloje macesh.

Ministria e Arsimit dhe Sportit e Republikës së Shqipërisë ka nxjerrë udhëzimin në lidhje me kandidatët shqiptarë në Mal të Zi, të cilët dëshirojnë që studimet në ciklin e parë Bachelor t’i vazhdojnë në Shqipëri. Sipas udhëzimit kandidatët duhet të aplikojnë pranë fakultetit përkatës  nga data 20 deri më 30 gusht 2019. Për programet e studimit për të cilat është paraparë provimi pranues, kandidatët duhet të paraqiten deri më datë 30.08.2019, ndërsa provimet pranuese do të zhvillohen sipas orareve të caktuar.

Dokumentacioni i nevojshëm është si më poshtë:

-Formulari i aplikimit (Shtojca nr. 2 bashkëlidhur udhëzimit)
-Kopja e dokumentit të lëshuar nga Qendra e Shërbimeve Arsimore që vërteton se diploma e arsimit të mesëm është njohur nga Republika e Shqipërisë
-Fotokopja e diplomës dhe dëftesave të shkollës së mesme
-Dokumenti identifikues
-Dy fotografi
-Kopja e mandat – pagesës

Sa i përket numrit të kuotave të parapara për shqiptarët në Mal të Zi, mund t’i gjeni në vegzën:


https://ualbania.al/Universitet/Kuota ,

duke përzgjedhur universitetin, fakultetin dhe programin e studimit për të cilin kandadati është i interesuar.

Aplikimet në ciklin e dytë Master me kohë të plotë, bëhen pranë sekretarive mësimore të fakulteteve përkatëse. Për kandidatët që duan të vazhdojnë studimet në universitete publike, duhet të aplikojnë deri më datën 11 tetor 2019, ndërsa për të interesuarit për universitete jopublike afati i aplikimit përfundon më datën 18 tetor 2019.

Dokumentacioni i nevojshëm për aplikim është si më poshtë:

  1. Diploma e ciklit të parë Bachelor ose fotokopja e saj, e noterizuar brenda Republikës së Shqipërisë
  2. Diploma e Maturës së Shkollës së Mesme, e noterizuar brenda Republikës së Shqipërisë
  3. Fotokopja e dokumentit të identifikimit (letërnjoftim, pasaportë)
  4. Dy fotografi personale
  5. Formulari i aplikimit (Shtojca nr. 6 bashkëlidhur Udhëzimit nr. 17)

Për informacione më të hollësishme në lidhje me aplikimet në ciklin e parë Bachelor, si dhe për aplikimet në ciklin e dytë Master, mund të lexoni me vëmendje udhëzimin nr. 17 ( http://arsimi.gov.al/wp-content/uploads/2019/07/Udh%C3%ABzim-nr.17-dat%C3%AB-30.7.2019.pdf), të na kontaktoni përmes adresave të e-mailit  Ova e-maila adresa je zaštićena od spambotova. Omogućite JavaScript da biste je vidjeli.  dhe Ova e-maila adresa je zaštićena od spambotova. Omogućite JavaScript da biste je vidjeli." target="_blank">kOva e-maila adresa je zaštićena od spambotova. Omogućite JavaScript da biste je vidjeli. apo të na vizitoni në zyren tonë të KKSH-së ( bul. Gjergj Kastrioti Skënderbeu p.n.).

Të gjithë kandidatëve u dëshirojmë suksese.

Utorak, 06 Avgust 2019 06:08

Viti shkollor fillon me 2 shtator

Autor

Viti shkollor në Mal të Zi do të fillojë me 2 .shtator dhe do të përfundojë me 12 .qershor të vitit të ardhshëm, është paraparë me kalendarin shkollor për vitin 2019/2020. Nga Ministria e arsimit kanë kumtuar se viti shkollorë për nxënësit e viteve përfundimtare , do të përfundojë me 20 .maj. Ata ,po ashtu kanë sqaruar se puna edukativo- arsimor organizohet në 4 cikle klasifikuese. Sipas kalendarit shkollor, pushimi dimëror do të fillojë me 31. dhjetor dhe do të përfundojë me 26. janar , kurse pushimet verore  do të fillojnë me 13. qershor dhe do të zgjasin deri me 1. shtator.

Ponedjeljak, 29 Juli 2019 07:36

Shtatore për Skënderbeun edhe në Ulqin

Autor

Shtatorja e Gjergj Kastriotit Skënderbeut do të vendoset në rrethrrotullimin, në qendër të qytetit të Ulqinit, tek ndërtesa e Komunës.

Këtë lajm për portalin Ul-info e vërtetoi kryetari i Komunës së Ulqinit, Loro Nrekiq, i cili shtoi se për këtë gjë u fitua pëlqimi i Ministrisë së Kulturës.

Edhe bulevardi në të cilin gjendet rrethrrotullimi mban emrin e këtij heroi kombëtar shqiptar.

Këtë vit festohet 550-vjetori i vdekjes së Skënderbeut.

Shoqata e Artistëve dhe Intelektualëve “Art Club” do të organizojë më 29-31 korrik 2019, në mjediset e Muzeut në Kalanë e Ulqinit, edicionin e 27-të të manifestimit letrar “Kalimera Poetike – Basri Çapriqi”.

Mysafirë të këtij edicioni janë shkrimtarët Sabri Hamiti (Akademik) nga Kosova dhe Visar Zhiti nga Shqipëria, të cilëve do t’u kushtohen mbrëmje autoriale. Po ashtu do të bëhet përurimi i Antologjisë së krijimtarisë së poetëve pjesëmarrës në “Kalimerën Poetike” dhe do të hapet ekspozitë personale e piktorit Bilal Nikeziqi.

“Kalimera Poetike” vlerësohet si ngjarja më e rëndësishme në fushën e letërsisë ndër shqiptarët në Mal të Zi dhe më gjerë. Ajo është konceptuar si manifestim letrar, ku çdo shkrimtari të ftuar i kushtohet mbrëmje autoriale. Qëllimi kryesor i kësaj veprimtarie është të promovojë krijimtarinë më të mirë letrare shqiptare, por edhe ballkanike dhe të huaj, në mënyrë që ta bëjë atë të njohur për publikun vendas dhe turistët.

“Kalimera Poetike” organizohet rregullisht që nga viti 1993 dhe gjatë ditëve të zhvillimit të saj, Ulqini është vendtakim i shkrimtarëve shqiptarë dhe atyre nga rajoni.

Edicioni i këtij viti mbahet në kuadër të programit të Festivalit “Skena Verore” dhe është mbështetur nga Fondi për Mbrojtjen dhe Realizimin e të Drejtave të Pakicave. Organizata Turistike e Ulqinit, Qendra për Kulturë – Ulqin dhe disa donatorë privatë.

 

 

Kalimera Poetike Basri Çapriqi 2019

Edicioni i 27-të

ART FESTIVAL

2931 korrik 2019

(Muzeu në Kalanë e Ulqinit, ora 21.00)

      Programi;                                                                      

 

E HËNË, 29 korrik 2019

  Hapja e manifestimit 

Fjala përshëndetëse 

Ismet Kallaba, kryetar i SHAI “Art Club” 

Mbrëmje autoriale 

me poetin dhe studiuesin e letërsisë

Sabri Hamiti 

Flet për krijimtarinë e autorit

Dr. Mark Marku, studiues i letërsisë 

Lexon vargje:

Simon Shkreli, aktor 

Moderatore: 

Liridona Sinishtaj 

E MARTË, 30 korrik 2019

Mbrëmje autoriale 

me shkrimtarin Visar Zhiti

Flet për krijimtarinë e autorit

Ylljet Aliçka, shkrimtar 

Lexon vargje:

Simon Shkreli, aktor

Moderatore:

Adriana Hoxha 

 

Këshilli Kombëtar i Shqiptarëve në Mal të Zi në bashkepunim me Kuvendi Komunal të Ulqinit, do të organizojnë përurimin e librit "Një shqiptar në CIA" të autorit Bashmir Xhemaj, mbahet të enjten, më 28 korrik 2019, duke filuar në ora 20:00, në Palatin Venezia në Ulqin.

Shoqata e Artistëve dhe Intelektualëve "Art Club" do të organizojë Orë përkujtimore me rastin e vdekjes së gazetarit dhe publicistit Islam Pali, sot (të mërkurën), më 24 korrik 2019, në orën 12.00, në Bibliotekën e Qytetit - Ulqin. 

Islam Pali është njëri ndër themeluesit e SHAI “Art Club”.

Utorak, 23 Juli 2019 07:43

Haradinaj sot niset për në Hagë

Autor

Kryeministri në dorëheqje Ramush Haradinaj sot do të niset për në Hagë.

Ish-komandanti i UÇK-së për Zonën e Dukagjinit pritet të intervistohet nga prokurorët e Gjykatës Speciale në Hagë më 24 korrik.

Ftesa nga Gjykata Speciale ishte arsyeja që Haradinaj dha dorëheqje nga posti i kryeministrit.

Ai këtë vendim të befasishëm e bëri të ditur në një konferencë për media gjatë ditës së premte ku tha se nuk mund të lejojë që të intervistohet nga Gjykata Speciale në postin e kryeministrit, por do të shkojë vetëm si qytetar i Kosovës

Kryeministri në largim Ramush Haradinaj sot pritet të dorëzojë edhe formalisht dorëheqjen tek presidenti i vendit, Hashim Thaçi.

Haradinaj njoftoi për dorëheqjen gjatë mbledhjes së qeverisë të premten, ndërsa më pas njoftoi se letrën për heqjen dorë nga posti i të parit të qeverisë do ta dorëzojë të hënën.

Dorëheqja erdhi pas një ftese nga Dhomat e Specializuara të Gjykatës Speciale, në të cilën kreu i AAK-së tha se do të paraqitet si qytetar i thjeshtë e jo si kryeministër sepse do të ishte e rëndë për vendin.

Ndryshe, pas dorëheqjes së Haradinajt pati reagime të shumta, ndërsa partitë politike tashmë kanë sytë nga presidenti për datën e re të zgjedhjeve.

Haradinaj po ashtu në vitin 2004, pati dhënë dorëheqje nga pozita e kryeministrit me të marrë ftesën nga Gjykata e Hagës.

Četvrtak, 18 Juli 2019 06:43

Dita Ndërkombëtare e Nelson Mandelës

Autor

Nelson Mandela ishte president i Afrikës Jugore dhe luftëtar i lirisë, i cili luftonte kundër shtypjes racore që u bëhej të zinjve në Afrikë, posaçërisht në Afrikën Jugore.

Ai studioi juridikun. Shumë vite të jetës së tij ai i kaloi nëpër burgje.

Mandela ka lindur më 18 korrik të vitit 1918.

Ditëlindja e Mandelas është edhe Ditë Ndërkombëtare e Nelson Mandelas, e shpallur nga OKB-ja si shenjë mirënjohjeje për kontributin e fituesit të çmimit Nobel për Paqe e pajtimin e arritur në këtë vend.

Në këtë ditë afrikano-jugorët zakonisht shënojnë ditëlindjen e liderit të tyre kundër aparteidit, i cili ishte 67 vjet në shërbim publik, kurse qytetarët bëjnë 67 minuta punë për komunitet.

Fillimisht Mandela zgjodhi rrugën paqësore për qëllimet e tij dhe të shokëve të tij.

Në vitin 1956 ai u akuzua për "tradhti të lartë" nga regjimi i atëhershëm, bashkë me 155 shokë të tjerë. Procesi zgjati deri me 1961 dhe të gjithë u liruan. Mbas lirimit ai u bë lideri i grupit të armatosur së ANC-së.

Në vitin 1962 u burgos dhe u dënua me 5 vjet heqje lirie. Në vitin 1964 u dënua me burg të përjetshëm, sepse kishte planifikuar luftë të armatosur. Në vitin 1985 atij iu afrua mundësia e lirimit, në qoftë se do të pranonte ndalimin e aktivitetit të armatosur, por ai refuzoi.

Në vitin 1990 mbas një kampanje të ANC dhe presionit ndërkombëtar ai u lirua pa kushte. Në vitin 1993 fitoi çmimin Nobel. Kurse në vitin 1994 u zgjodh në zgjedhje demokratike, President i Afrikës Jugore dhe me 9 maj u zgjodh si presidenti i parë i zi në këtë vend.

Në vitin 1999 ai dha dorëheqje dhe ishte aktiv për organizata të ndryshme për të drejtat e njeriut. Në vitin 2003 kritikoi shumë Toni Blair dhe George Ë. Bush për intervenimin në Irak.

Mandela vdiq pas një sëmundjeje të gjatë më 5 dhjetor 2013 në shtëpinë e tij në Johannesburg.

X

!!!!!

Svako kopiranje, umnožavanje, presnimavanje, objavljivanje i distribuiranje cijelog ili djelova podataka sa web sajta „Radio Rožaje" ili članaka objavljenih na ovom web sajtu (uključujući dokumenta, fotografije i sl.), bez obzira na razloge, zabranjeno je i predstavlja povredu autorskog prava i krivično djelo!