Srijeda, 10 Juli 2019 06:57

Kosova, një përfaqësuese në lëvizje

Autor

Manchester City ka dëshmuar të martën se llogarit shumë për të ardhmen në portierin e Kosovës, Arijanet Muriq, por po ashtu që shtatlarti nuk është ende i gatshëm për të ruajtur portën e kampionit të Anglisë në futboll.

City ia ka vazhduar Muriqit kontratën edhe për tre vjet dhe menjëherë e ka huazuar te Nottingham Foresti i kategorisë së dytë angleze. Huazimi i Muriqit është i vlefshëm për një edicion.

0_Arijanet-Muric-signs-on-loan-for-Nottingham-Forest-from-Manchester-City.jpg

Huazimi i Muriqit vetëm ka vërtetuar se aktualisht përfaqësuesja e Kosovës në futboll është një ekip në "lëvizje". Shumë lojtarë të Kosovës kanë kryer transferime gjatë kësaj vere, ndërsa lëvizje të tjera priten në ditët dhe javët në vazhdim.

Në përgjithësi lëvizjet kanë kahe pozitive, duke dëshmuar rritjen e vazhdueshme të përfaqësueses së Kosovës, transmeton Koha.net

Këshilli Kombëtar i Shqiptarëve në Malin e Zi, informon opinionin publik lidhur me vizitën “liturgjike” të paralajmëruar nga përfaqësuesit e Kishës Ortodokse Serbe në Mal të Zi, në lokalitetin arkeologjik të Shasit, për ç’rast e kemi informuar me shkresë zyrtare kryeministrin e Malit të Zi z. Dushko Markoviq, të cilit i kemi kërkuar të marrë masa.

Në shkresën drejtuar kryeministrit, Këshilli Kombëtar ka shprehur shqetësimet, qëndrimet dhe reagimin e popullit shqiptar në Malin e Zi lidhur me provokimet e vazhdueshme të Kishës Ortodokse Serbe ndaj trashëgimisë kulturore dhe lokaliteteve arkeologjike në vendbanimeve shqiptare në Malin e Zi.

Po ashtu e kemi njoftuar edhe Drejtorinë e Policisë dhe jemi në kontakt të vazhdueshëm me drejtuesit e organeve të rendit në Komunën e Ulqinit, nga të cilët kemi marrë premtim se çdo gjë do të jetë nën kontrollin dhe mbikqyrjen e tyre dhe se nuk do të lejohen aktivitete brenda perimetrit të lokalitetit arkeologjik në qytetin e Shasit.

Këshilli Kombëtar iu bën apel të gjithë qytetarëve që të ruajnë qetësinë, të tregojnë maturi dhe të mos bien pre e provokimeve tendencioze, të cilat mund të plasohen në media dhe opinionin e gjerë si konflikte ndëretnike dhe ndërfetare e që mund të jetë edhe qëllimi kryesor i “manifestimeve” të tilla, të përsëritura.

Ne si popull kemi treguar durim e maturi edhe në raste e provokime më të rënda në të kaluarën, prandaj edhe këtë rast duhet të tregojmë nivelin tonë kulturor përmes qetësisë dhe pa provokime, sepse jemi të bindur se kështu i shërbejmë më së miri interesit tonë.

Më datë 04.07.2019, Kryetari i Këshillit Kombëtar te Shqiptarëve në Mal të Zi Faik Nika, së bashku me sekretarin Lindon Gjelaj dhe koordinatoren e zyrës së Këshillit Adriana Hoxha, zhvilluan një takim pune në zyren e Delegacionit të Bashkimit Evropian në Podgoricë, në të cilin u mirëpritën nga Ambasadori SH. T. Z. Aivo Orav.

Në këtë takim Kryetari i Këshillit prezantoi gjendje aktuale të shqiptarëve në Mal të Zi, sfidat me të cilatshqiptarët ballafaqohen dita ditës dhe përcolli qëndrimet e Këshillit për të ardhmen.

Ai shprehu shqetësimin për rënien e vazhdueshme të numrit të shqiptarëve në Malin e Zi, si shkak i natalitetit të ulët dhe emigrimit të vazhdueshëm.

Shqetësimet e tjera, të cilat u shpalosën në këtë takim, lidheshin edhe me temat si:

- Rëndësia e integrimit të shqiptarëve në institucionet shtetërore publike në të gjitha nivelet, sipas proporcionit.

- Gjendja e arsimit në gjuhën shqipe në Mal të Zi, problemet me planet e punës në lëndët që kanë të bëjnë me identitetin kombëtar, problemet me përkthimet e kurrikulës mësimore, toponimet dhe emrat e personazheve në ilustrime dhe shembuj të dhënë.

- Gjendja e përdorimit të gjuhës shqipe dhe toponimeve në gjuhën shqipe.

- Çështjet e përdorimit të simboleve kombëtare dhe problemet me mospërputhjen e ligjeve.

- Nevoja për t'u konsultuar përfaqësuesit shqiptarë në proceset e vendimmarrjes kur bëhet fjalë për planifikimin hapësinor, përdorimin e burimeve natyrore të zonave ku jetojnë shqiptarët në Mal të Zi.

- Kujdesi për kulturën, trashëgiminë kulturore, vendet arkeologjike në zonat e banuara nga shqiptarët në Mal të Zi.

- Situata e mediave dhe informimit në gjuhën shqipe.

- Situata socio-ekonomike dhe infrastruktura.

Kryetari i Këshillit përmendi rëndësinë e mundësive për bashkëpunim brenda institucioneve dhe vendosjen e një komunikimi të rregullt për shprehjen e shqetësimeve dhe çështjeve që kanë të bëjnë me shqiptarët në Mal të Zi.

Në vazhdim e sipër, Ambasadori Orav falenderoi Këshillin për vizitën që i bëri Delegacionit të Bashkimit Evropian dhe për prezantimin e çështjeve dhe gjithashtu shtoi rolin konstruktiv dhe rëndësinë e pakicave për integrimin e Malit të Zi në BE.

Ambasada e Republikës së Kosoves ne Mal të Zi njofton të gjithë studentët të interesuarit nga Mali i Zi për të studjuar në Universitetin e Prishtinës, se Senati i Universitetit të Prishtinës”Hasan Prishtina”, në mbledhjen e mbajtur miratojë propozimete njësive akademike për shpalljen e konkursit për pranimin e studentëve në vitin e parë të studimeve themelore- bachelor në vitin akademik 2019/2020.

Në bazë të kuotava të percaktuara nga Ministria e Arsimit Shkencës dhe Teknologjisë në kuader të numrit të përgjithshëm të studentëve mundë të pranojen 1% e studentëve deri në 74 kandidat nga Mali i Zi.

Universiteti i Prishtinës ”Hasan Prishtina do të regjistrojë edhe studentë të rregullt nga Shqipëria, Maqedonia, Presheva, Bujanovci dhe Medvegja.

Në Universitet mund të pranohen edhe studentët nga shtetet e tjera, në bazë të kuotave të përcaktuara nga MASHT-i.

Për informata shtesë ju lutem gjeni të bashkangjitur konkursin e Universitetit të Prishtinës ”Hasan Prishtina: https://uni-pr.edu/desk/inc/media/292F4947-4B24-4177-9AD2-5A3FCB4DC075.pdf

Drejtori i Përgjithshëm i Policisë së Shtetit Ardi Veliu sëbashku me Drejtorin e Përgjithshëm të Policisë së Malit të Zi, Veselin Veljovic firmosën sot në Mal të Zi Protokollin “Mbi bashkëpunimin gjatë sezonit turistik për vitin 2019”.

Në zbatim të këtij protokolli, Policia e Shtetit do të dërgojë në Malin e Zi 4 oficerë policie, dy prej të cilëve nga shërbimet e Policisë Kriminale dhe Strukturave për Hetimin dhe Parandalimin e krimeve dhe dy të tjerë nga shërbimet e Rendit dhe Sigurisë Publike, për periudhën kohore  deri më 31.08.2019.

Ata do të kryejnë shërbimet e tyre në Stacionet Policore të Ulqinit dhe Budvës.

Përfaqësuesit e Policisë së Shtetit, së bashku me përfaqësuesit e Policisë së Malit të Zi, do të marrin pjesë në aktivitete të ndryshme me qëllim forcimin e bashkëpunimit policor dhe parandalimin e veprave kriminale si: trafikimin e qenieve njerëzore dhe migracionin e paligjshëm, prostitucionin, trafikun e lëndëve narkotike, mashtrimet me policat e sigurimit për mjetet motorike, mashtrimet me kartat e kreditit dhe me shkëmbimin e parasë, falsifikimin e parave dhe dokumenteve personale, prishjen e qetësisë publike, parandalimin e aksidenteve rrugore, forcimin  e sigurisë në rrugë, etj.

Veliu dhe Veljovic kanë vlerësuar si të shkëlqyer bashkëpunimin, që strukturat policore të Malit të Zi, kanë pasur me strukturat e tyre homologe në Shqipëri, gjatë sezoneve turistike dhe jo vetëm, si dhe rezultatet e arritura që prej vitit 2011, vit në të cilin është firmosur për herë të parë “Protokolli i bashkëpunimit gjatë sezonit turistik” midis Policisë Shqiptare dhe asaj të Malit të Zi, që konsiderohet si një ndër shembujt dhe praktikat më të mira për tu ndjekur.

Të dy Drejtorët e Përgjithshëm kanë rënë dakord që modele të tilla bashkëpunimi të aplikohen edhe në fusha të tjera, në shërbim dhe në të mirë të komunitetit./abcnews.al/

Njoftojmë të interesuarit që duan të vazhdojnë studimet e larta në Republikën e Shqipërisë, viti akademik 2019-2020, se fillimisht duhet të ndjekin procedurën e Njësimit të diplomave të Shkollës së Mesme (për vazhdim studimesh në institucionet e arimit të lartë).

Për tu informuar për procedurën që duhet ndjekur, aplikantët duhet të lexojnë udhëzimin duke klikuar në këtë adresë:

Formulari që duhet plotësuar dhe dorëzuar bashkë me dokumentacionin mund ta shkarkoni këtu: 

Aplikanti dorëzon dosjen e tij të aplikimit pranë Qendrës së Shërbimeve Arsimore, Tiranë.

  • Dosja e aplikimit duhet të përmbajë dokumentet e mëposhtme:

a) Formulari i aplikimit për njëvlershmëri.

b) Fotokopjen e dokumentit të identifikimit.

c) Diplomën e shkollës së mesme (të përkthyer dhe të noterizuar).

d) Dëftesat origjinale të të gjitha viteve të shkollës së mesme (të përkthyera dhe të noterizuara).

e) Dokumentin që vërteton dhënien e provimeve të barasvlershme me Maturën Shtetërore në Shqipëri. (vërtetim për panelines – Greqia, certifikatë – Italia, vërtetim pikët e arritura – Kosova etj.). Në këtë dokument të jenë pasqyruar rezultatet për çdo lëndë të dhënë provim kombëtar.

KKSH.jpg

 

 

 

Kreu i delegacionit të Bashkimit Europian, ambasadori Lugi Soreca vlerëson se zgjedhjet lokale të 30 qershorit në Shqipëri u zhvilluan në një mënyrë përgjithësisht të qetë dhe të rregullt.

Ai shprehet se qeveria dhe opozita duhet të tregojnë pjekuri politike dhe të angazhohen urgjentisht në dialog

“Zgjedhjet lokale të zhvilluara në Shqipëri më 30 qershor u zhvilluan në një kontekst të ndarjes politike, por në një mënyrë përgjithësisht të qetë dhe të rregullt. Tani, qeveria dhe opozita duhet të tregojnë pjekuri politike dhe të angazhohen urgjentisht në dialog”, thekson ambasadori Soreca./Atsh/transmrton Koha.net

Srijeda, 26 Juni 2019 06:41

Meta: Zgjedhjet e 30 qershorit imagjinare

Autor

Presidenti i Republikës së Shqipërisë, Ilir Meta, ashtu siç ishte paralajmëruar, ka bërë një dalje për median të martën në mëngjes.

Dalja e kreut të shtetit ka ndodhur një ditë pas vendimit të Kolegjit Zgjedhor, i cili rrëzoi padinë e Partisë për Unitet Kombëtar (PUK) për t’u çregjistruar nga zgjedhjet për shkak të dekretit të presidentit.

Meta i quajti zgjedhjet më 30 qershor "imagjinare" dhe vendimin e Kolegjit Zgjedhor "një truk procedural".

ilir-meta.jpeg

"Kolegji Zgjedhor justifikoi politikisht paligjshmërinë e veprimtarisë së organizatës socialiste në KQZ dhe është një përpjekje e dëshpëruar për të ndërtuar një operacion propagandistik brenda dhe jashtë vendit për të anatemuar indirekt vendimin e kreut të shtetit, por kurrsesi ky është një operacion i dështuar pasi nuk prek aspak vlefshmërinë e dekretit të presidentit të Republikës së Shqipërisë”, deklaroi Meta. Vendimi i Kolegjit Zgjedhor, sipas Metës, është marrë në kushtet e presionit dhe shantazhit politik të mazhorancës. Kreu i shtetit nënvizoi edhe një herë se është vetëm "Gjykata Kushtetuese ajo që mund të shqyrtojë vlefshmërinë e dekretit të tij" dhe i bëri thirrje mazhorancës "të tërhiqet nga thellimi në paligjshmëri dhe shantazhet ndaj institucioneve të pavarura, pasi asnjë dhe askush nuk do ta justifikojë përballë ligjit".

Presidenti insiston se “zgjedhje më 30 qershor ligjërisht nuk ka dhe nuk do të ketë dhe e vetmja rrugë për zgjidhjen e krizës mbetet vetëm dialogu politik dhe respektimi i ligjit nga të gjithë”, trenasmeton Kohanet

Shoqata e Artistëve dhe Intelektualëve “Art Club” në bashkëpunim me Organizatën Joqeveritare “Eksodi ‘99” – Mitrovicë dhe Bibliotekën e Qytetit – Ulqin do të bëjnë përurimin e librit “Eksodi ’99 – Dëbimi me dhunë i popullatës shqiptare nga Kosova”.

Më 20 qershor 2019, Kryetari i Këshillit Kombëtar Faik Nika, së bashku me anëtarët e Këshillit Lindon Gjelaj, njëherit edhe sekretar i Këshillit, dhe Ilir Llazorja si përfaqësues i Këshillit Kombëtar pranë Drejtorisë për Diasporë të Malit të Zi, pritën në Ulqin delegacionin e Këshillit Konstitutiv për Bashkësitë Etnike pranë Kabinetit të Presidentit të Republikës së Kosovës, i udhëhequr nga Živojin Ćirković. Në takim u diskutua për përvojat dhe të drejtat e pakicave nacionale në Kosovë dhe Mal të Zi, për funksionimin e Këshillave të Pakicave, për kompetencat e Këshillave, për çeshtjet e përfaqësimit proporcional në institucione, përdorimi i gjuhëve të pakicave në institucione, informimi dhe mediat në gjuhët e pakicave, arsimimi në gjuhët e pakicave dhe çështje të tjera me interes për komunitetet e të dy vendeve respektive.
U theksua nevojshmëria e vazhdimit të bashkëpunimit dhe përpjekjet e vazhdueshme për transmetimin e përvojave më të mira kur është fjala për përmirësimin e kuadrit ligjor për të drejtat e pakicave në të dy vendet respektive.

X

!!!!!

Svako kopiranje, umnožavanje, presnimavanje, objavljivanje i distribuiranje cijelog ili djelova podataka sa web sajta „Radio Rožaje" ili članaka objavljenih na ovom web sajtu (uključujući dokumenta, fotografije i sl.), bez obzira na razloge, zabranjeno je i predstavlja povredu autorskog prava i krivično djelo!