Kryetari i Kovundit të Komunës së Rozhajës , Allmir Avdiq ka thirrur sot mbledhjen e 9-të të rregullt, do te mbahet më 20 qershor. Në rendit e ditës është planifikuar vetem një pik. Shqyrtimi i inicijatives qytetare – Peticioni kunder ndërtimit i mini- hidrocentralit ne rrjedhën e limenjëve Bukel dhe Husaj.

Sot janë bërë 20 vjet prej përfundimit të bombardimeve të Aleancës Veri-Atlantike – NATO kundër Serbisë.

Ky hap ishte ndërmarrë pas urdhrit që kishte lëshuar Sekretari i Përgjithshëm i NATO-s në atë kohë, Javier Solana dhe kishte pasuar vetëm një ditë pas Marrëveshjes së Kumanovës që ishte parakusht për ndërprerjen e këtyre bombardimeve, transmeton Klan Kosova.

Bombardimet ndaj Serbisë kishin zgjatur 78 ditë, pas së cilave iu dha fund luftës në Kosovë.

Më 10 qershor 1999 në Kosovë kishin zbarkuar 37 mijë e 200 trupa të KFOR-it si mision nga 36 shtete.

Përfaqësues të Këshillit Kombëtar të Shqiptarëve dhe Ministrisë së Arsimit, në kuadër te vizitës zyrtare në Prishtinë, zhvilluan disa takime në institucionet e Republikës së Kosovës. Delegacioni i shqiptarëve nga Mali i Zi përbëhej nga: Kryetari i Këshillit Kombëtar Faik Nika, sekretari Lindon Gjelaj, drejtori i Drejtorisë për Arsimin e Pakicave në Ministrinë e Arsimit në Mal të Zi Marash Dukaj dhe anëtaret e Komisionit për Arsim pranë Këshillit Kombëtar, Adriana Hoxha dhe Jeta Hasangjekaj.

Fillimisht delegacioni zhvilloi takim në Ministrinë e Arsimit, Shkencës dhe Teknologjisë, ku u prit nga ministri Shyqiri Bytyqi me bashkëpunëtorë. Në takim është diskutuar për çeshtjen e kuotave në Universitetin e Prishtinës për kandidatët shqiptarë nga Mali i Zi, veçimi i tyre në kolonë të veçantë, rritja e numrit, shqyrtimi i mundësisë për njohjen dhe ekuivalentimin e provimit të maturës shtetrore, nevoja e asistimit me mjete mësimore, lektyra shkollore, harta gjeografike në gjuhën shqipe, nevoja e përshpejtimit të procedurave të nostrifikimit të diplomave etj.

DSC_0343-1.jpg

Takimi i rradhës është zhvilluar me drejtorin e Bibliotekës Kombëtare Fazli Gajraku dhe bashkëpunëtorët e tij dhe është biseduar për mundësinë e furnizimit me literaturë në gjuhën shqipe për bibliotekat e shkollave, në të cilat mësimi zhvillohet në gjuhën shqipe dhe po ashtu, furnizimi i bibliotekave të qyteteve si: Ulqini, Tuzi dhe Plava. U diskutua edhe për bashkëpunimin për hartimin e një bibliografie të veprave në gjuhën shqipe, të botuara në Mal të Zi.

Takim i një rëndësie të veçantë është zhvilluar me zv. Ministren e Kulturës, Rinisë dhe Sportit, Leonora Morina-Bunjaku, në të cilin është diskutuar për intensifikimin e bashkëpunimit kulturor më shqiptarët në Mal të Zi me qëllim promovimin dhe ruajtjen e identitetit kombëtar.

Takimin përmbyllës delegacioni e zhvilloi në Rektoratin e Universitetit të Prishtinës, në të cilin është mirëpritur nga rektori Marjan Dema, me bashkëpunëtorë. Në takim është diskutuar për kuotat në Universitetin e Prishtinës “Hasan Prishtina” për kandidatët shqiptarë nga Mali i Zi, njohja e provimit të maturës së kandidatëve nga Mali i Zi që i nënshtrohen provimit pranues, përshpejtimi i procedurave të njohjes së diplomave etj.

Organizimi i këtyre takimeve vjen si rezultat i bashkëpunimit të shkëlqyer institucional me Ambasadën e Republikës së Kosovës në Podgoricë.

 

IMG-9ee50e2165618f8f886d7500709aab08-V.jpg

 

 

Të dashur bashkëkombës,

Këshilli Kombëtar i Shqiptarëve në Malin e Zi, uron festën e Bajramit të Madh, të gjithë besimtarëve të fesë islame.

Pas muajit të Ramazanit, muaj që simbolizon sakrificën, bindjen, përkushtimin dhe solidaritetin njerëzor, për të gjithë të përkushtuarit ndaj urdhërit të Zotit, vjen si shpërblim festa e Bajramit të Madh, me veçoritë e veta si: vizita të ndërsjellta, urime e përshëndetje ndërmjet të afërmve, miqëve, shokëve e bashkëkombësve.

Shqiptarët janë të bekuar nga Zoti, sepse momentet e festave fetare i shndërrojnë edhe në festa kombëtare. Në raste të tilla, shqiptarët, pa dallim të përkatësisë fetare e krahinore, urojnë, përshëndesin, vizitojnë dhe i gjinden më pranë njëri-tjetrit, kjo na ka shërbyer për të ruajtur unitetin dhe identitetin tonë kombëtar.

Besimitarë kudo që ndodheni, uroj që të kaloni sa më mirë festën e Bajramit, me shëndet, harmoni, dashuri e begati për të gjithë Ju.

Zoti i bekoftë familjet Tuaja, zoti e bekoftë kombin shqiptar.

Urime !

Kryetari

Faik Nika

Me rastin e 1 Qershorit – Ditës Ndërkombëtare të Fëmijëve, të premten (më 31 maj 2019), në Shkollën Fillore „Bedri Elezaga“ – Katërkollë u organizua takim letrar me Hajro Ulqinakun, njërin prej shkrimtarëve më të mirë të letërsisë shqipe për fëmijë.

20190531_102606_resized.jpg

Nxënësit kanë paraqitur interesim të posaçëm për krijimtarinë e Ulqinakut. Në një bisedë të ngrohtë me nxënësit, shkrimtari është përgjigjur në pyetjet e tyre të shumta lidhur me atë se si është bërë shkrimtar, çfarë e nxitë që të shkruajë, rolin e vendlindjes dhe detit në krijimtarinë e tij, librin e tij më të mirë etj. Nxënësit kanë lexuar edhe pjesë nga krijimtaria e tyre, të shkruara enkas me këtë rast.

20190531_102818_resized.jpg

 

Në emër të Shoqatës së Artistëve dhe Intelektualëve “Art Club”, nxënësit dhe mësimdhënësit e pranishëm i ka përshëndetur kryetari i saj, Ismet Kallaba, kurse shkrimtari Asllan Bisha, mik i shkrimtarit Ulqinaku, ka folur shkurtimisht për krijimtarinë e tij.

Në fund të takimit letrar, shkrimtarët Ulqinaku dhe Bisha kanë dhuruar disa libra për nxënësit pjesëmarrës dhe bibliotekën e kësaj shkolle.Krahas nxënësve, në takim kanë marrë pjesë edhe drejtori i shkollës, Arsim Cuca, dhe një pjesë e personelit mësimor të shkollës.

20190531_102848_resized.jpg

Takimi letrar është organizuar nga SHAI “Art Club” në bashkëpunim me Shkollën Fillore “Bedri Elezaga”. Ai është përgatitur nga mësimdhënësja e gjuhës dhe letërsisë shqipe, Zaime Çapriqi.

Që prej disa vitesh, SHAI “Art Club” organizon takime letrare në shkollat në gjuhën shqipe në Malin e Zi, që kanë për qëllim komunikimin e drejtpërdrejtë të nxënësve me vetë autorët dhe njohjen me krijimtarinë letrare të shkrimtarëve vendas.

 

Njoftojmë të interesuarit që duan të vazhdojnë studimet e larta në Republikën e Shqipërisë, viti akademik 2019-2020, se fillimisht duhet të ndjekin procedurën e Njësimit të diplomave të Shkollës së Mesme (për vazhdim studimesh në institucionet e arimit të lartë).

Nga Ambasada e Republikës së Shqipërisë në Mal të Zi jemi informuar se Qeveria e Shqipërisë ka marrë vendim për përjashtimin nga nevoja e pajisjes me leje pune dhe certifikatë regjistrimi për punë për të gjithë shqiptarët nga Mali i Zi që punojnë dhe veprojnë në Shqipëri.

Ky vendim vjen si rezultat i punës, përpjekjeve dhe bashkëpunimit të suksesshëm të faktorit shqiptar në Mal të Zi me Ambasadën e Republikës së Shqipërisë në Mal të Zi dhe Ministrinë për Evropën dhe Punët e Jashtme të Republikës së Shqipërisë.

Ky lajm u publikua sot edhe nga ministri në detyrë i Ministrisë për Evropën dhe Punët e Jashtme të Republikës së Shqipërisë, z. Cakaj.

 

Shoqata e Artistëve dhe Intelektualëve “Art Club” në bashkëpunim me Qendrën Kulturore-Informative “Malësia” do të organizojnë mbrëmje autoriale me poetin Hajredin Kovaçi, të hënën, më 29 prill 2019, ora 20:00, në sallën e QKI “Malësia” – TuzFtese_3.jpg.

Kryeministri i Kosovës Ramush Haradinaj tha sot se do të jetë pjesë e samitit në Berlin ku është edhe Serbia e pranishme.

Ai tha se pret që në këtë  samit, Kosova të marr sinjalin për liberalizimin e vizave.

Bashkë me kryeministri Ramush Haradinaj në Samitin që do të mbahet më 29 prill në Berlin do të shkojë edhe presidenti i Kosovës Hashim Thaçi.

Në mesnatë përfundon fushata njëzet ditore dhe fillon heshtja zgjedhore.

Dy nga kandidatët për kryetar shteti sot përfundojnë fushatën me takime me qytetarë dhe mitingje, ndërsa kandidati i mbështetur nga Aleanca për Shqiptarët dhe Lëvizja Besa, Blerim Reka dje përfundoi fushatën me tubimin përmbyllës në Tetovë

Nesër, një ditë para zgjedhjeve, të drejtën e votës mund ta përdorin 1.640 persona tek entet ndëshkimore përmirësuese dhe personat që gjenden në paraburgim si dhe 3.583 persona të pafuqishëm apo të sëmurë që kanë kërkuar nga komisionet zgjedhore komunale.

Votimi nesër dhe pasnesër do të fillojë në ora 7 dhe do të përfundojë në ora 19:00.

Zgjedhjet presidenciale do të mbahen në 3.480 vendvotime në 80 komuna dhe Bashkinë e Shkupit si dhe jashtë vendin. Të drejtë vote kanë 1.808.131 qytetarë.

Rrethi i dytë i zgjedhjet presidenciale është 2 javë më vonë, përkatësisht më 5 maj. Këto janë zgjedhjet e gjashta për kryetar shteti që nga pavarësia e këtij shteti.

X

!!!!!

Svako kopiranje, umnožavanje, presnimavanje, objavljivanje i distribuiranje cijelog ili djelova podataka sa web sajta „Radio Rožaje" ili članaka objavljenih na ovom web sajtu (uključujući dokumenta, fotografije i sl.), bez obzira na razloge, zabranjeno je i predstavlja povredu autorskog prava i krivično djelo!