U susret novoj školskoj godini Crveni krst u Rožajama je pokrenuo akciju prikupljanja školskog pribora i odjevnih predmeta za đake prvake čiji su roditelji slabijeg imovinskog stanja.
Cilj te aktivnosti je da se pruži zajednička podrška roditeljima koji nemaju dovoljno novčanih sredstava da opreme dijete za polazak u školu.
“Svjesni važnosti prvih školskih koraka Crveni krst Rožaje je u ovom periodu usmjerio djelovanje u obezbedjivanju školskog pribora i odjevnih predmeta za “đake prvake”.
Pored Crvenog krsta Crne Gore ova inicijativa je podržana i od Opština Rožaje, na čemu smo srdačno zahvalni.
Obavještavamo roditelje koji su u stanju potrebe za ovom vrstom podrške, da se mogu obratiti u prostorijama Crvenog krsta Rožaje, svakog radnog dana od 10h-14h” poručuju iz Crvenog krsta Rožaje.
Akcija raspodjele pomoći počinje od 21.avgusta.
