Radovi na dionici magistralnog puta Rožaje – Špiljani ovih dana se izvode intenzivnije.
▪️Potpredsjednik Vlade i ministar kapitalnih investicija Ervin Ibrahimović imao je nekoliko sastanaka sa menadžmentom firme Štrabag koja je izvođač radova a koja je, prema stavovima u javnosti, jedan od glavnih krivaca što su rokovi za završetak radova više puta probijani.
▪️Ibrahimović je od predstavnika kompanije Štrabag zahtijevao da se ubrza dinamika izvođenja radova i u najkraćem roku poveća broj radnika i mehanizacije na gradilištu kao i da se uspostavi bolja organizacija rada, kako bi se radovi završili u što kraćem roku i na kvalitetan način, te kako bi se smanjile negativne posljedice na život stanovnika koji gravitiraju ovom putnom pravcu.
▪️Potpredsjednik Vlade je tim povodom istakao da razumije nezadovoljstvo koje javno iskazuju stanovnici tog kraja.
