Uprava za da’vu i obrazovanje Islamske zajednice u Crnoj Gori i ove godine odala je priznanja najuspješnijim mualimima u mektebskoj 2022/2023 godini. Najpredanije imame i mualime u prostorijama Mešihata Islamske zajednice ugostio je reis Rifat ef. Fejzić.
“Vi ste jedan od temelja ove zajednice, rezultati vašeg rada odražavaju se kroz sve segmente društva. Djeca koju danas podučavate sjutra su ljudi od kojih će zavisiti budućnost naše vjere i društva.” – kazao je tom prilikom reis Rifat ef. Fejzić
Direktor Uprave za da’vu i obrazovanje Islamske zajednice u Crnoj Gori Rahman ef. Kačar prilikom uručenja priznanja kazao je da imami i mualime koji rukovode mektebskom poukom značajno doprinose vjerskom obrazovanju kod djece.
“Kao Uprava za da’vu kontinuirano pratimo rad na polju mektebske nastave, zadovoljni smo sve većim interesovanjem djece, od kojih dobar dio nastavlja školovanje u našoj medresi. Naravno, pratimo i cijenimo rad naših vrijednih mualima koje ovom prilikom želimo nagraditi za uspjeh u prethodnoj mektebskoj godini” – zaključuje direktor Uprave Rahman ef. Kačar.
Za mektebsku 2022/2023 godinu nagrade i priznanja dobilo je sedam imama i mualima čiji su učenici ostvarili najbolje rezultate na finalnom mektebskom takmičenju.
Nagrađeni su:
Hfz. Rešad ef. Dautović iz Gusinja,
Muhamed ef. Cecunjan iz Plava,
mualima Azra Pepić iz Tuzi,
Nermin ef. Bahović iz Bijelog Polja,
Blerim ef. Bajraktari iz Ulcinja,
Pajazit ef. Kalač iz Rožaja,
Nadir ef. Bajraktari iz Dinoše
Radio Fatih
