Predsjednik Skupštine opštine Rožaje, sekretar Skupštine, koleginice i kolege Službe za skupštinske poslove priredili su ispraćaj u penziju gospodinu Omeru Mandžukiću. Tim povodom imenovanom je uručena zahvalnica za poseban doprinos u radu Skupštine opštine Rožaje.
Omer Mandžukić je svoj radni angažman započeo u tada radnoj organizaciji „Gornji Ibar“ gdje je obavljao pravne poslove kao sekretar za OUR Pilanu i Panel a kasnije kao rukovodilac pravne službe.
Pet godina je proveo u fabrici mašinskih djelova, poslije toga prelazi u Opštinu Rožaje gdje je obavljao niz odgovornih funkcija u organima lokalne uprave i kao sekretar u Skupštini opštine Rožaje 11 godina. U penziju odlazi sa mjesta savjetnika u Službi za skupštinske poslove.
Predsjednik Skupštine opštine Rožaje g. Almir Avdić i sekretar Skupštine g. Amer Dacić zahvalili su se za dugogodišnji i predani rad u kolektivu sa željom da penzionerske dane provodi u dobrom zdravlju.
